தமிழ் காதல்
மயங்கினேன் உன் வார்த்தையில்
காதலிக்கவில்லை !
இன்பம் கொடுத்தாய் என் தமிழால்
செவிகள் இனிக்கும்படி !
மனதை திருட எத்தனித்தாய் நீ
திருடன் என்று உரைத்து கொண்டே !
களவு போக துணை வந்தாள் என்னவள்
தொலைத்தேன் என் ஹிருதயத்தை !
என் ஏக்கம் தெரிந்து என்னை
வீழ்த்தினாய் உன் வார்த்தையால் !
களவு பேச்சுக்கள் கால நேரம்
கடந்து நம்மை கலந்துரையாட தூண்ட !
பேசிய வார்த்தையில் எல்லாம் தமிழ்
ததும்ப காதல் கசிந்துருகி உன்னை விட
உன் தமிழை அதிகம் நேசித்தேன் !
தமிழாய் என்னுள் நுழைந்து குருதியில்
கலந்து இன்று தமிழில் வார்த்தைகள்
தீர்ந்து போனதாய் என்னை உணரவும்
செய்துவிட்டாய் உன் மௌனத்தால் !
இன்று உன்னிடம் தூது செல்ல என்
தமிழை தவிர என்னவள் கூட இல்லை என்னிடம் !
