கள்ளத்தனம் காட்டி - Naught Signs

கள்ளத்தனம் காட்டி

என் தனிமையில் நான் ரசித்த நீ

இன்று என்னையே ரசிக்க

வைத்தாய் ! 

உன் கைகள் கோர்த்து நான் 

நடக்க இன்றுமீண்டும் தனிமை‌ 

தீயில் தள்ளிஎன் உள்ளம் 

வேக செய்தாய் !

விரும்பா ஒன்றை ஏன்

விருப்பம் கொள்ள செய்தாய் !

இன்று விருப்பமில்லை என்று 

ஏன் விலகி நின்றாய் !

ஏனடா இந்த கள்ளத்தனம்  

என்கள்வனே !

லவ்லி

விடையில்லா கேள்வி no-end-for-question

விடையில்லா கேள்வி

ஏன் என்னில் நுழைந்து  என்

இதயத்தை சில்லுகளாய் 

உடைத்தாய் உன் காதலால் !

நான் ஒட்ட வைத்திருந்த

இதயத்தை மேலும் 

இணைக்க 

முடியா சில்லுகளாய் சிதற

செய்தாய் !

 என் துன்பம் உனக்கு

ஏன் இத்தனை ஆனந்தம் 

அளித்தது  !

 நான் இயற்கையாய்

இணைந்திருந்த நாட்களை 

இன்று நீ வெறுமையாக்கி

விட்டாய் ! 

என் விடையில்லா

கேள்வியே !

லவ்லி

இதழ் மாற்றம் - keep in love

இதழ் மாற்றம்

நாம் பரிமாறிக்கொண்ட 

இதழ் மாற்றங்களை என் 

பொக்கிஷமாக சேர்க்கிறேன் 

குறைவென்பதே இல்லா

அட்சய பாத்திரத்தில் ! 

நாம் நினைக்கும் போது எல்லாம்

அள்ளி கொள்ளலாம் ஆசையாக

காதலில் கலந்த இதழின் 

இனிமைகளை இன்பமாக !

லவ்லி

பொய் உரைத்தாயா ? Radha-Krishna-Leelaigal

பொய் உரைத்தாயா ?

என் எண்ணங்களில் உன்னை 

கசிய விட்டதை தவிர வேறு 

என்ன தவறிழைத்தேன் ! 

உன்னில் என் மனதை மட்டுமே

தொலைத்தேன்  ! 

உடல் என்ற 

ஒற்றை மறந்தேன் காதல் வெறும்

மோகம் என நான் எண்ணவில்லை !

 உண்மையில் என் உயிர் உருகவே செய்தது 

உன் காதல்  ஆனால் ஏன் 

இத்தனை மாற்றம் நான் 

உணர்ந்த நீ உண்மையா

உன்னை பொய்

 என்று உரைக்க 

கூட என் உள்ளம் துணியவில்லை 

காரணம் 

அன்று நீ கொடுத்தது பொய் 

அல்லவே என் கண்ணா !

லவ்லி

காதல் குழல் krishna flute

காதல் குழல்

மோகம் எது காதல் எது என்று

உணர்ந்தேன் கண்ணா ! 

வேண்டாம் என்ற 

பின் வரும் 

குரோதமே உணர்த்தியது  

வெற்று மோகமே அவள் 

கொண்டாள் என்று  ! 

காதல் 

என்ன வெறும் குழலா 

உடைத்தால் உடைவதற்கு அது 

உயிரின் ஓர் அங்கம் 

உள்ளத்தின்

முழு பகுதி உணர்த்தவற்கு !

லவ்லி

கண்ணார காண - love see

கண்ணார காண

உன் அமுத கானம் கேட்க

காத்திருந்த நொடிகள் 

எல்லாம்

கனவாய் கலைந்து போக 

ஆசை கொண்டேன் !

நீ உதிக்கும் நேரம் பார்த்து 

ஏக்கம் கொண்டேன் !

உன் ஸ்பரிசம் உணர 

என் ஸ்பரிசம்

உயிர்ப்பித்தேன் !

வாடிய போதெல்லாம் வாஞ்சையாக

 நீர் வார்த்தேன் கண்களால் !

காலமும் கரைந்தது

என் கண்ணீரும் 

வறண்டது கண்ணார 

நான் காண காலம் இன்னும் ஆகுமோ !

மனதின் காட்சி பிழை - Radha One Side Love

மனதின் காட்சி பிழை

மாற்று கருத்தை மனம் அறிந்த

பின்னும் ஏன் உன் எண்ணங்கள்

மனதை மயிலிறகாய் 

வருடுகிறது கண்ணா ! உன் 

குழல் இசை கேட்கும் போது 

எல்லாம் ஓடி வந்த ராதை இன்று

உன் குழல் முறிக்க காரணம் 

என்ன ?  மீண்டும் கேட்கும் குழல்

ஓசை அவளை உன்னை நோக்கி

அழைக்க கூடாதென்றா ! ம்ம் ம்ம்

காதல் என்றும்  மனதின் 

காட்சி பிழை தான் !

லவ்லி