கனல் காதல் - Shadow Love

கனல் காதல்

காரிருள் கரியவன் கதிரவனை

மறைத்து ! 

வான் பார்த்த கழனி 

தன்னை வாஞ்சையாய் தழுவ

நினைத்து ! 

அவன் தீண்ட இயலாஅவளை

 தன் கண் கனல் 

கொண்டு நனைத்தான் 

காதலாக !

லவ்லி

காதல் காலம் - Time to love

காதல் காலம்

உன்னை நான் தழுவவில்லை !

உன் கரம் 

நான் பற்றவில்லை !

என் காதல் 

நீ என்று 

எண்ணவில்லை ! 

ஆனால் 

நிதமும்  உன் தழுவலுடன் 

என் காலையும் ! 

உன்‌ கரச்சூட்டில் 

மையலும் உன் காதலில் 

என் காலமும் 

மகிழ்வாய் மலர்கிறது !

லவ்லி

அர்ப்பணித்தல் - love Contribution

அர்ப்பணித்தல்

காதலின் வெளிப்பாடாய் 

நீ கூறிய வார்த்தைகள்

 ராதை 

கிருஷ்ணனுக்கு உரியவள் !

ஆனால் 

கிருஷ்ணன் ராதைக்கு

உரியவரா ?  

எத்தனை பொருள் 

பொதிந்த கேள்வி !

 காதல் 

ஒருவரை மற்றொருவரிடம்

முழு மனதாய் 

அர்ப்பணித்தல்

எதிர்பார்ப்புகள் 

ஏதும் இன்றி !

காதல் மட்டுமே 

பிரதானமாய் !

லவ்லி

காலம் இன்னும் ஆகுமோ ?- Time could be

காலம் இன்னும் ஆகுமோ ?

உன் அமுத கானம் 

கேட்க காத்திருந்த 

நொடிகள் எல்லாம்கனவாய் 

கலைந்து போக 

ஆசை கொண்டேன் !

நீ உதிக்கும் நேரம் பார்த்து 

ஏக்கம் கொண்டேன் !

உன் ஸ்பரிசம் உணர என் ஸ்பரிசம்

உயிர்ப்பித்தேன் !

வாடிய போதெல்லாம் வாஞ்சையாக

 நீர் வார்த்தேன் கண்களால் !

காலமும் கரைந்தது என் கண்ணீரும் 

வறண்டது கண்ணார 

நான் காண காலம்

 இன்னும் ஆகுமோ !

மாற்றம் உன்னாலே changed for you

மாற்றம் உன்னாலே

நிஜமென்று நான் 

எண்ண நீ 

என்னவன் இல்லை !

நிழலென்று 

நான் எண்ண நீ

வேற்றவனும் இல்லை !

என் மனநிலையின் 

மாற்றம் 

உன்னாலே !

லவ்லி

சரியான விதியை எழுத சாவடி நோக்கி இனிய புத்தாண்டு நல்வாழ்த்துக்கள் -Happy Tamil New Year kavithai

சித்திரைக்கு உயிரின் மயக்கம்

என்று பொருளாம் !
ஆம் முதலில்

பிறக்கும் உயிரை கண்டு நாம்

மயக்கம் கொள்கிறோம் 

அல்லவா !
அதே போல் முதலில்

பிறக்கும் மாதத்தில் நாமும் 

மயக்கம் கொள்ள தான் 

செய்கிறோம் பௌர்ணமி 

நிலவொளியில் !
 இம்முறை நம்

முதல் மாதத்தில் மயக்கம் 

கொள்ளாமல் மாற்றம் கொடுக்க

வேண்டும் !
நம் விதியை நாம் 

எழுதும் மாதத்தின் ஒற்றை
நாள் அனைவரும் 

சரியான  விதியை

எழுத சாவடிக்கு செல்வோம் !

புத்தாண்டு நல்வாழ்த்துக்கள்

புது விடியலை நோக்கி !

லவ்லி

இருவரும் ஒருவரே - Tow Heart One Soul

இருவரின் காத்திருப்பும் 

 ஒன்றே

கூறுவதில் மட்டுமே குழப்பம் !

இந்த காதல்  

ஏன் இப்படி 

தடுமாற்றம் தருகிறது

வெளிப்படுத்துவதில் மட்டும் !

ஒருமுறை 

வெளிப்பட்டு விட்டால்

உடைந்த அணையில் இருந்து

வெள்ளம் 

பெருக்கெடுப்பது 

போல் உள்ளத்தின் அன்பு 

உடைந்து 

காதல் வெள்ளத்தில்

மூழ்கடிக்கிறது ! 

இன்பம் போல் 

துன்பமும் இருவரையும் 

ஒருசேர

தாக்குகிறது காதலில் மட்டும் !

லவ்லி